Феликс Магатнинг ҳисоблашича, «Реал» ярим ҳимоячиси Эдуардо Камавинга Чемпионлар лигаси доирасидаги «Бавария»га қарши ўйинда (3:4) ноҳақ четлатилган.

«Бу хато қарор. Четлатиш — жуда қаттиқ жазо. Футболчини майдондан чиқариб юбориш ҳақидаги қарорни оқлайдиган сабабни кўрмаяпман.

Шунга қарамай, ростини айтсам, қизил карточка ушбу қарама-қаршиликда асосий омил бўлгани йўқ. Биз 8 ёки 10 дақиқа ҳақида эмас, иккита ўйин, яъни 180 дақиқа ҳақида гапиряпмиз. «Бавария» умумий планда кучлироқ эди ва кейинги босқичга чиқишга лойиқ эди», — дея таъкидлади мюнхенликлар собиқ мураббийи.