Feliks Magatning hisoblashicha, «Real» yarim himoyachisi Eduardo Kamavinga Chempionlar ligasi doirasidagi «Bavariya»ga qarshi o‘yinda (3:4) nohaq chetlatilgan.

«Bu xato qaror. Chetlatish — juda qattiq jazo. Futbolchini maydondan chiqarib yuborish haqidagi qarorni oqlaydigan sababni ko‘rmayapman.

Shunga qaramay, rostini aytsam, qizil kartochka ushbu qarama-qarshilikda asosiy omil bo‘lgani yo‘q. Biz 8 yoki 10 daqiqa haqida emas, ikkita o‘yin, ya’ni 180 daqiqa haqida gapiryapmiz. «Bavariya» umumiy planda kuchliroq edi va keyingi bosqichga chiqishga loyiq edi», — deya ta’kidladi myunxenliklar sobiq murabbiyi.