«Челси» ярим ҳимоячиси Коул Палмер лондонликлар ҳимоячиси Рис Жеймснинг келажаги борасидаги фикрлари билан ўртоқлашди.

«Рис Жеймс агар клуб эгалари ва директорлари билан гаплашмаганида, «Челси» билан олти йиллик шартнома имзоламаган бўларди. Биз Рис билан кўп гаплашдик. Бизга керак бўлган нарсалар, сотиб олишимиз зарур бўлган футболчилар ва жамоадаги ҳолат қандай бўлиши кераклиги ҳақида суҳбатлашдик», — дея Палмернинг сўзларини The Guardian нашри келтиради.

Рис Жеймс «Челси» тарбияланувчиси ва жамоа сардори ҳисобланади. Унинг «кўклар» билан амалдаги шартномаси 2032 йилнинг 30 июнигача мўлжалланган. Жорий мавсумда ҳимоячи Лондон клуби сафида барча турнирларда 36 та ўйинда майдонга тушиб, иккита гол урди ва еттита голли узатмани амалга оширди.