«Челси»нинг собиқ футболчиси Эммануэль Пети ўз вақтида «Манчестер Юнайтед»га ўтиши мумкин бўлгани ҳақида гапириб берди.
«Сэр Алекс Фергюсон мен билан шартнома имзолашни кутаётган бир пайтда, мен Лондондаги ижтимоий ҳаётни афзал кўрганман. Рафиқам Манчестерга кўчиб ўтишни истамаган эди. Ўзимдан жуда ғазабдаман — ўшанда ўз қароримда қатъий туришим керак эди», — дея Петининг сўзларини Manchester United Forever нашри келтиради.
Эслатиб ўтамиз, Эммануэль Пети ўз фаолияти давомида «Монако», «Арсенал», «Барселона» ва «Челси» клубларида тўп сурган. Франция терма жамоаси таркибида у 63 та ўйинда майдонга тушиб, 6 та гол урган. Пети 1998 йилги Жаҳон чемпиони ва 2000 йилги Европа чемпиони ҳисобланади.
