«Chelsi»ning sobiq futbolchisi Emmanuel Peti o‘z vaqtida «Manchester Yunayted»ga o‘tishi mumkin bo‘lgani haqida gapirib berdi.
«Ser Aleks Fergyuson men bilan shartnoma imzolashni kutayotgan bir paytda, men Londondagi ijtimoiy hayotni afzal ko‘rganman. Rafiqam Manchesterga ko‘chib o‘tishni istamagan edi. O‘zimdan juda g‘azabdaman — o‘shanda o‘z qarorimda qat’iy turishim kerak edi», — deya Petining so‘zlarini Manchester United Forever nashri keltiradi.
Eslatib o‘tamiz, Emmanuel Peti o‘z faoliyati davomida «Monako», «Arsenal», «Barselona» va «Chelsi» klublarida to‘p surgan. Fransiya terma jamoasi tarkibida u 63 ta o‘yinda maydonga tushib, 6 ta gol urgan. Peti 1998 yilgi Jahon chempioni va 2000 yilgi Yevropa chempioni hisoblanadi.
