Роберт Левандовски сиёсий сабабларга кўра фаолиятини Саудия Арабистонида давом эттириш вариантини рад этиши мумкин.

37 ёшли ҳужумчининг «Барселона» билан шартномаси шу ёзда якунига етади. Унинг агенти Пини Захави саудиялик клублар вакиллари билан музокаралар олиб борди, бироқ As нашрининг хабарига кўра, футболчи Эрондаги воқеалар туфайли қарор қабул қилишни кейинга қолдирди. У минтақадаги зиддиятли вазият сабабли Яқин Шарққа кўчиб ўтишнинг мақсадга мувофиқлигига шубҳа қилмоқда.

Польяк футболчиси «Барселона»да қолиши ҳам мумкин — унга маошини пасайтириш ва келаси мавсум олдидан янги топ-даражадаги ҳужумчи сотиб олинишига рози бўлиш шарти билан бир йиллик шартнома таклиф қилинди. Таъкидланишича, Захави ва клуб президенти Жоан Лапорта ўртасидаги яхши муносабатлар келишувга эришилишига ёрдам бериши мумкин.

Левандовскида бошқа вариантлар ҳам бор — унга қизиқиш билдираётган клублардан бири «Милан» ҳисобланади. Шу билан бирга, МЛСнинг «Чикаго Файр» клуби билан алоқалар деярли тўхтаган.

Ла Лиганинг жорий мавсумида Роберт 25 та ўйинда майдонга тушиб, 12 та гол урди ва 1 та голли узатмани амалга оширди.