33-турда «Наполи»нинг «Лацио»дан мағлубиятга учраши (0:2) натижасида, «Интер»нинг Италия чемпионатидаги таъқибчиси билан орадаги фарқи 12 очкогача кенгайди.

Турнир якунига қадар 5 та тур қолди. «Нерадзуррилар» 78 очко билан турнир жадвалида якка пешқадамлик қилмоқда, «Наполи» эса 66 очко билан иккинчи ўринда бормоқда.

Кучли тўртликдан, шунингдек, «Милан» ва «Ювентус» ҳам жой олган — уларда мос равишда 63 ва 60 очко мавжуд. Қайд этиш жоизки, «россонерилар» ва «бьянконерилар» захирасида биттадан ўйин бор.