33-turda «Napoli»ning «Lasio»dan mag‘lubiyatga uchrashi (0:2) natijasida, «Inter»ning Italiya chempionatidagi ta’qibchisi bilan oradagi farqi 12 ochkogacha kengaydi.

Turnir yakuniga qadar 5 ta tur qoldi. «Neradzurrilar» 78 ochko bilan turnir jadvalida yakka peshqadamlik qilmoqda, «Napoli» esa 66 ochko bilan ikkinchi o‘rinda bormoqda.

Kuchli to‘rtlikdan, shuningdek, «Milan» va «Yuventus» ham joy olgan — ularda mos ravishda 63 va 60 ochko mavjud. Qayd etish joizki, «rossonerilar» va «byankonerilar» zaxirasida bittadan o‘yin bor.