«Манчестер Сити» ҳужумчиси Эрлинг Холанд жамоа ҳимоячиси Абдуқодир Ҳусановга юқори баҳо берди.
22 ёшли ҳимоячи АПЛнинг жорий мавсумида 16 та ўйинда майдонга тушди.
«Ҳусанов ўзини ажойиб тарзда кўрсатмоқда. Янги мамлакатга кўчиб ўтиш, тилни билмаслик у учун осон бўлмади — бу жуда қийин. Босим, унинг АПЛда ўйнаётган илк ўзбекистонлик экани ва шу каби омиллар бор.
Мен гўёки 35 ёшдагидек гапиряпман, лекин ундай эмас. Ёшим 25 да. Бироқ менда катта тажриба бор, кўп ўйинларда қатнашганман, шунинг учун турли вазиятларда ўзимни қандай тутишни биламан.
Гап бошқаларга ёрдам бериш ҳақида кетмоқда, чунки мен улар ўзларини қандай ҳис қилаётганини биламан. Баъзан бу анча мураккаб бўлиши мумкин. Улар ўзларини қулай ҳис қилишларини таъминлаш жуда муҳим», — деди Эрлинг Холанд.
