«Манчестер Юнайтед» бош мураббийи Майкл Кэррик Англия чемпионатининг 33-тури доирасида сафарда «Челси» устидан қозонилган ғалабага (1:0) изоҳ берди.

«Дисквалификациялар ва сўнгги кунларда Лени Йоро олган енгил жароҳатни ҳисобга олсак, бу ғалабага тўла лойиқ эдик. Марказий ҳимоячилар жуфтлиги биз учун маълум бир синов бўлишини билардик. Менимча, уларнинг иккаласи ҳам ажойиб ўйин кўрсатишди. Биз қарши ҳужумларда хавфли кўриндик, зарбалар сони эса буни тўлиқ акс эттирмайди. Бу ерга келиб, керакли натижага эришганимиздан хурсандман. Улар (Челси) — мураккаб жамоа. Биз кўп меҳнат қилишимизга тўғри келди ва йигитларнинг ўйинга бўлган муносабати бенуқсон эди. Мухлислар эса шунчаки ҳайратланарли. Ўйин якунидаги ўша лаҳзалар — инсон хотирасида сақлаб қолишни ва ҳузурланишни истайдиган дақиқалардир», — дея инглиз мутахассисининг сўзларини NBC келтиради.