«Реал Сосьедад» устози Пеллегрино Матараццо Испания Кубоги финалида «Атлетико» устидан қозонилган ғалабага (2:2, пенальтилар бўйича 4:3) баҳо берди.
«Буни тушунтириш қийин. Бу тинимсиз меҳнат ва фидойиликнинг мевасидир. Бутун ходимлар, ўйинчилар ва қўллаб-қувватлаши беқиёс бўлган мухлислар... Бу унутилмас саёҳат бўлди ва мен бу ҳали ҳаммасининг бошланиши эканини ҳис қиляпман.
Ўйинни назорат қилиш, таваккал қилмаслик ва қарши ҳужумлар ташкил этиш муҳим эди. Шунингдек, бизга ҳимояланиш ҳам керак эди. Жамоа характер кўрсата олди».
Ла Лигадаги 5-ўрин учун кураш ҳақида
«Биз шу руҳда давом этишимиз керак, биз амбициялимиз. Олдинда еттита ўйин қолди ва биз кўпроғини истаймиз», — деди Матараццо.
