«Манчестер Юнайтед» ярим ҳимоячиси Бруну Фернандеш АПЛнинг жорий мавсумидаги 18-голли узатмасини амалга оширди.
Португалиялик футболчи 33-тур доирасидаги «Челси»га қарши баҳсда (1:0) Матеус Куньяга голли пас етказиб берди.
Шу тариқа, Бруну Сеск Фабрегас (2014/15 йилги мавсумда 18 та ассист), Фрэнк Лэмпард (2004/05), Кевин де Брюйне (2016/17) ва Муҳаммад Салоҳ (2024/25) қайд этган натижаларни такрорлади.
АПЛ тарихида бир мавсумда бундан кўпроқ голли узатмани фақат Тьерри Анри (2002/03 йилги мавсумда 20 та), Кевин де Брюйне (2019/20 йилги мавсумда 20 та) ва Месут Ўзил (2015/16 йилги мавсумда 19 та) амалга оширишган, холос.
| Футболчи | Клуб | Мавсум | Ассистлар сони |
| Тьерри Анри | Арсенал | 2002/03 | 20 |
| Кевин де Брюйне | Манчестер Сити | 2019/20 | 20 |
| Месут Ўзил | Арсенал | 2015/16 | 19 |
| Бруну Фернандеш | Манчестер Юнайтед | 2025/26 | 18 |
| Сеск Фабрегас | Челси | 2014/15 | 18 |
