«Манчестер Сити» бош мураббийи Хосеп Гвардиола Премьер-лиганинг навбатдаги турида «Арсенал»га қарши кечадиган баҳсдаги эҳтимолий муваффақиятсизликка қандай муносабат билдиришини айтиб ўтди.
Чемпионлик унвони учун курашдаги ҳал қилувчи учрашув бугун «шаҳарликлар» майдонида бўлиб ўтади, ўйин Тошкент вақти билан соат 20:30 да бошланади.
"Агар "Арсенал"га ютқазиб қўйсак, мен Микель [Артета]нинг қўлини сиқиб қўяман, кейин эса улар қолган бешта турда мағлубиятга учраб, чемпионликни бизга топширишларини сўраб дуо қиламан. Менимча, бунинг иложи йўқ, шунинг учун биз юзма-юз учрашувда ғалаба қозониш учун бор кучимизни ишга соламиз", — дея Гвардиоланинг сўзларини City Report келтирмоқда.
Ушбу ҳал қилувчи жанг олдидан «тўпчилар» «Сити»ни олти очкога ортда қолдирмоқда, бироқ Манчестер гранди ихтиёрида битта захира ўйини мавжуд.
