Англия Премьер-лигасининг 33-тури доирасида «Манчестер Сити» ва «Арсенал» жамоалари «Этихад» стадионида ўзаро тўқнаш келишади. «Stadion.uz» Хосеп Гвардиола ва Микель Артета танлаши мумкин бўлган бошланғич таркиблар вариантини тақдим этади.

«Манчестер Сити»: Доннарумма (дарвозабон), О'Райли, Гехи, Абдуқодир Ҳусанов, Матеус Нунес, Родри, Бернарду Силва, Доку, Шерки, Семеньо, Холанд.

«Арсенал»: Райя (дарвозабон), Инкапье, Габриэль дос Сантос, Салиба, Уайт, Субименди, Райс, Троссар, Эзе, Мадуэке, Дьёкереш.

«Ман Сити» сафида Йошко Гвардиол, Рубен Диаш ва Жон Стоунс жароҳат олган. «Арсенал»да эса Микель Мерино ва Букайо Сака сафдан чиққан. Шунингдек, «тўпчилар» таркибида Юрриен Тимбер, Риккардо Калафьори, Нони Мадуэке ва Мартин Эдегорнинг майдонга тушиши сўроқ остида турибди.

Ушбу учрашув чемпионлик курашида улкан аҳамиятга эга. «Манчестер Сити» битта захира ўйинига эга бўлган ҳолда, «Арсенал»дан олти очко ортда қолмоқда. Яъни, Хосеп Гвардиола жамоаси ғалаба қозонган тақдирда, йўқотилган очколар бўйича Микель Артета жамоаси билан тенглашиб олади.