Angliya Premyer-ligasining 33-turi doirasida «Manchester Siti» va «Arsenal» jamoalari «Etixad» stadionida o‘zaro to‘qnash kelishadi. «Stadion.uz» Xosep Gvardiola va Mikel Arteta tanlashi mumkin bo‘lgan boshlang‘ich tarkiblar variantini taqdim etadi.
«Manchester Siti»: Donnarumma (darvozabon), O'Rayli, Gexi, Abduqodir Husanov, Mateus Nunes, Rodri, Bernardu Silva, Doku, Sherki, Semenyo, Xoland.
«Arsenal»: Rayya (darvozabon), InkapYE, Gabriel dos Santos, Saliba, Uayt, Subimendi, Rays, Trossar, Eze, Madueke, Dyokeresh.
«Man Siti» safida Yoshko Gvardiol, Ruben Diash va Jon Stouns jarohat olgan. «Arsenal»da esa Mikel Merino va Bukayo Saka safdan chiqqan. Shuningdek, «to‘pchilar» tarkibida Yurriyen Timber, Rikkardo Kalafyori, Noni Madueke va Martin Edegorning maydonga tushishi so‘roq ostida turibdi.
Ushbu uchrashuv chempionlik kurashida ulkan ahamiyatga ega. «Manchester Siti» bitta zaxira o‘yiniga ega bo‘lgan holda, «Arsenal»dan olti ochko ortda qolmoqda. Ya’ni, Xosep Gvardiola jamoasi g‘alaba qozongan taqdirda, yo‘qotilgan ochkolar bo‘yicha Mikel Arteta jamoasi bilan tenglashib oladi.
