Сўнгги ҳафталарда Роберт Левандовскининг исми Италия А Сериясининг топ-клублари билан боғланмоқда. La Gazzetta dello Sport нашри ҳужумчининг келажаги ҳақида мақола эълон қилди.
Унда айтилишича, польшалик футболчининг агенти Италияга йўл олмоқда ва у ерда «Ювентус» раҳбарияти билан учрашиши режалаштирилган. Шунингдек, 37 ёшли Левандовскига Италия чемпионатининг бошқа бир гранди — «Милан» ҳам қизиқиш билдирмоқда.
Қайд этилишича, Левандовскини ўз сафига қўшиб олиш «Ювентус» учун жозибадор вариант ҳисобланади. Шу билан бирга, Турин клуби шартномаси июнь ойи охирида якунига етадиган Душан Влаховичнинг тақдири бўйича бир қарорга келиши керак. Сербиялик ҳужумчи жамоада қолишни истайди, бироқ клуб шартномани узайтириш учун ҳаддан ташқари катта харажатларга қўл урмоқчи эмас.
