Роберт Левандовскининг "Ювентус"га ўтиш имконияти яқин кунларда ҳал бўлиши мумкин.
La Gazzetta dello Sport нашрининг хабарига кўра, польшалик ҳужумчининг агенти Италияга етиб келган ва у ерда Турин клуби раҳбарияти билан аввалдан режалаштирилган учрашувни ўтказади.
Ҳужумчи мавсум якунида "Барселона"ни тарк этиши кутилмоқда ва у ҳам ўз сифатлари, ҳам жамоага олиб келиши мумкин бўлган тажрибаси билан "Юве" учун идеал харидга айланиши мумкин. Бундан ташқари, 37 ёшли футболчига "Милан" ҳам қизиқиш билдирмоқда.
"Ювентус", шунингдек, Душан Влаховичнинг келажагига ойдинлик киритиб олиши керак. Сербиялик футболчининг шартномаси йил охирида тугайди ва у қолмоқчи, бироқ клуб ҳужумчини сақлаб қолиш учун ҳаддан ташқари кўп маблағ сарфлаш ниятида эмас. Қолаверса, мавсумни "Тоттенхэм"да ўтказаётган Рандаль Коло-Муанини қайтариш варианти ҳам кўриб чиқилмоқда. Шунга қарамай, Левандовски варианти энг жозибали бўлиб қолмоқда.
