«Ливерпуль» ҳужумчиси Муҳаммад Салоҳ Англия чемпионатининг 33-туридан ўрин олган «Эвертон»га қарши ўйинда гол уриб, ҳисобни 1:1 кўринишига келтирди. Ушбу гол мисрлик футболчига мерсисайдликларнинг собиқ сардори Стивен Жеррарднинг «Эвертон»га қарши дербиларда урилган голлар сони бўйича кўрсаткичини такрорлаш имконини берди.
OptaJoe нашрининг ижтимоий тармоқлардаги хабарига кўра, эндиликда иккала футболчи ҳисобида ҳам ушбу қарама-қаршиликларда урилган 9 тадан гол мавжуд.
Таъкидлаш жоизки, бу Салоҳ учун «Ливерпуль» либосидаги сўнгги Мерсисайд дербиси ҳисобланади. Аввалроқ, Муҳаммад Салоҳ мавсум якунланганидан кейин, жамоадаги тўққиз йиллик фаолиятидан сўнг клубни тарк этиши расман маълум бўлган эди.
