АПЛнинг 33-тури якунларига кўра, «Манчестер Сити» турнир жадвалида «Арсенал»га яқинлашиб олди. Пеп Гвардиола шогирдлари бугун ўз майдонларида «канонирлар» устидан 2:1 ҳисобида ғалаба қозонишди.
Айни дамда «Арсенал» 70 очко билан турнир жадвалида пешқадамлик қилмоқда. «Манчестер Сити» эса улардан 3 очко ортда қолган ҳолда иккинчи ўринда бормоқда, бироқ «шаҳарликлар»да ҳали битта захира ўйини мавжуд.
Кучли учликни 58 очко билан «Манчестер Юнайтед» якунлаб турибди, «Астон Вилла» ҳам худди шунча очко билан 4-ўринни эгаллаб турибди. «Ливерпуль» 55 очко билан 5-поғонада бораётган бўлса, 48 очко жамғарган «Челси» олтинчи ўриндан жой олган.
