«Арсенал» ярим ҳимоячиси Мартин Эдегор «Манчестер Сити»дан қабул қилиб олинган 1:2 ҳисобидаги мағлубиятдан сўнг ўз фикрларини билдирди.
«Ғалаба қозона олмаганимиздан ҳафсаламиз пир бўлди. Биз ғалабани хоҳлагандик ва шунга яраша тайёргарлик кўргандик. Яхши ўйин кўрсатдик, ажойиб прессинг уюштирдик. Айниқса, иккинчи бўлимда хавфли кўриндик ва бизда вазиятлар бўлди. Бундай учрашувларда ҳамма нарсани кичик деталлар ҳал қилади. Ҳужумнинг якуний палласида етарлича аниқ ҳаракат қила олмадик, шу сабабли қуруқ қўл билан қайтмоқдамиз. Бу даражадаги футбол шунақа — ҳаммасини майда тафсилотлар ҳал этади. Афсусланарлиси, биз кўплаб ижобий ишларни амалга оширгандик. Энди муносиб жавоб қайтариш учун кейинги ўйинга тайёргарлик кўрамиз», — деди Эдегор Sky Sports нашрига.
«Арсенал» Премьер-лига жадвалида пешқадамликни сақлаб турибди, бироқ йўқотилган очколар бўйича «Манчестер Сити» энди улар билан тенглашиб олди.
