«Манчестер Сити» бош мураббийи Хосеп Гвардиола «Арсенал» устидан қозонилган 2:1 ҳисобидаги ғалабадан сўнг ўз фикрларини билдирди.

«Бу АПЛ учун ажойиб реклама бўлди. «Арсенал» жуда агрессив ўйнайди, яккакурашларда кучли ва дуэллар, якка-якка курашиш, узун узатмалар ҳамда ҳаводаги курашлар нуқтаи назаридан фаолиятим давомида мен тўқнаш келган энг рақобатбардош жамоалардан биридир — шунчаки фантастика!

Бизда ҳам, уларда ҳам вазиятлар бўлди. Бундай ўйинларда ҳамма нарсани кичик деталлар ҳал қилади. Бу юқори даражадаги баҳс эди. Ҳар икки жамоа ҳам кучли, ҳар икки мураббий ҳам — юқори даражали мутахассислар! Иккала томонда ҳам топ-футболчилар йиғилган. Мен доим талабчанман, лекин ҳақиқат шундаки, бу бор-йўғи битта ўйин. Улар ҳали ҳам пешқадам ва тўплар нисбати бўйича биздан битта голга олдинда. Ғалабадан завқланишимиз керак, лекин диққатни йўқотишга ҳаққимиз йўқ. Энди бор эътиборимизни «Бернли»га қарши ўйинга қаратамиз», — деди Гвардиола Sky Sports нашрига.