«Manchester Siti» bosh murabbiyi Xosep Gvardiola «Arsenal» ustidan qozonilgan 2:1 hisobidagi g‘alabadan so‘ng o‘z fikrlarini bildirdi.
«Bu APL uchun ajoyib reklama bo‘ldi. «Arsenal» juda agressiv o‘ynaydi, yakkakurashlarda kuchli va duellar, yakka-yakka kurashish, uzun uzatmalar hamda havodagi kurashlar nuqtai nazaridan faoliyatim davomida men to‘qnash kelgan eng raqobatbardosh jamoalardan biridir — shunchaki fantastika!
Bizda ham, ularda ham vaziyatlar bo‘ldi. Bunday o‘yinlarda hamma narsani kichik detallar hal qiladi. Bu yuqori darajadagi bahs edi. Har ikki jamoa ham kuchli, har ikki murabbiy ham — yuqori darajali mutaxassislar! Ikkala tomonda ham top-futbolchilar yig‘ilgan. Men doim talabchanman, lekin haqiqat shundaki, bu bor-yo‘g‘i bitta o‘yin. Ular hali ham peshqadam va to‘plar nisbati bo‘yicha bizdan bitta golga oldinda. G‘alabadan zavqlanishimiz kerak, lekin diqqatni yo‘qotishga haqqimiz yo‘q. Endi bor e’tiborimizni «Bernli»ga qarshi o‘yinga qaratamiz», — dedi Gvardiola Sky Sports nashriga.
