«Ливерпуль» вингери Муҳаммад Салоҳ клуб билан муносиб тарзда хайрлашишга умид қилаётганини билдирди.
Аввалроқ мисрлик футболчи мавсум якунланганидан кейин клубни тарк этишини эълон қилган эди. Бугун у АПЛнинг 33-тури доирасида «Эвертон»га қарши кечган дербида (2:1) гол уришга муваффақ бўлди.
«Бу ажойиб туйғу. Энг муҳими — жамоага хотиржамлик ва ишонч ҳиссини беришда ёрдам беришдир. Ўйиндан олдин бизни осон бўлмаган, оғир баҳс кутаётганини билардик ва ғалаба қозонганимиздан хурсандман».
«Ливерпуль» таркибида атиги бир нечта ўйини қолгани ҳақида: «Ҳа, шундай, лекин мен гол уришда давом этиш ва жамоага ушбу мавсумда Чемпионлар Лигаси йўлланмасини қўлга киритишда ёрдам беришдан умидворман. Умид қиламанки, жамоа билан муносиб тарзда хайрлашаман», — деди Салоҳ Sky Sports нашрига берган интервьюсида.
