Туркия суперлигасининг 30-туридан ўрин олган “Трабзонспор” ҳамда “Башакшеҳир” жамоалари ўртасидаги баҳс якунига етди. Трабзон шаҳридаги “Папара Парк” стадионида кечган учрашув 1:1 ҳисобида якунланди.

Ўйинда ҳисоб 75-дақиқада “Трабзонспор”нинг бразилиялик ҳужумчиси Фелипе Аугусто томонидан очилди. 90+3-дақиқада Истабул жамоаси ҳужумчиси Дейви Селке гол уриб, жамоасини мағлубиятдан қутқариб қолди.

Ўзбекистон миллий терма жамоаси сардори Элдор Шомуродов учрашувни асосий таркибда бошлади ва 75-дақиқада алмаштирилди. Шомуродов ҳозирда 18 та гол ва 4 та голли узатма билан тўпурарлар жадвалида иккинчи поғонани банд этган. “Трабзонспор” ҳужумчиси Пол Онуачу эса 22 та гол билан пешқадамлик қилмоқда. Мазкур баҳсда илк голни киритган Фелипе Аугусто ҳисобида эса 12 та гол мавжуд.

Истанбул клубининг яна бир ўзбекистонлик легионери Аббосбек Файзуллаев ушбу баҳсда 81-дақиқада Юсуф Сарининг ўрнига майдонга тушди.

Ушбу ғалабадан сўнг “Трабзонспор” очколарини 65 тага етказиб олган ҳолда турнир жадвалида 3-ўринни эгаллаб турибди. “Башакшеҳир” эса 48 очко билан 5-поғонада бормоқда.

Туркия сперлигаси, 30-тур
“Трабзонспор” — “Башакшеҳир” 1:1
Гол: 1:0 – Аугусто (73), 1:1 — Селке (90+3).