Turkiya superligasining 30-turidan o‘rin olgan “Trabzonspor” hamda “Bashakshehir” jamoalari o‘rtasidagi bahs yakuniga yetdi. Trabzon shahridagi “Papara Park” stadionida kechgan uchrashuv 1:1 hisobida yakunlandi.

O‘yinda hisob 75-daqiqada “Trabzonspor”ning braziliyalik hujumchisi Felipe Augusto tomonidan ochildi. 90+3-daqiqada Istabul jamoasi hujumchisi Deyvi Selke gol urib, jamoasini mag‘lubiyatdan qutqarib qoldi.

O‘zbekiston milliy terma jamoasi sardori Eldor Shomurodov uchrashuvni asosiy tarkibda boshladi va 75-daqiqada almashtirildi. Shomurodov hozirda 18 ta gol va 4 ta golli uzatma bilan to‘purarlar jadvalida ikkinchi pog‘onani band etgan. “Trabzonspor” hujumchisi Pol Onuachu esa 22 ta gol bilan peshqadamlik qilmoqda. Mazkur bahsda ilk golni kiritgan Felipe Augusto hisobida esa 12 ta gol mavjud.

Istanbul klubining yana bir o‘zbekistonlik legioneri Abbosbek Fayzullayev ushbu bahsda 81-daqiqada Yusuf Sarining o‘rniga maydonga tushdi.

Ushbu g‘alabadan so‘ng “Trabzonspor” ochkolarini 65 taga yetkazib olgan holda turnir jadvalida 3-o‘rinni egallab turibdi. “Bashakshehir” esa 48 ochko bilan 5-pog‘onada bormoqda.

Turkiya sperligasi, 30-tur
“Trabzonspor” — “Bashakshehir” 1:1
Gol: 1:0 – Augusto (73), 1:1 — Selke (90+3).