Мадриднинг «Атлетико» клуби устози, аргентиналик мутахассис Диего Симеоне Англия Премьер-лигасининг топ-клубида иш бошлаши мумкин. Бу ҳақда The Sun таблоиди журналистлари хабар бермоқда.
Манба берган маълумотларга кўра, Лондоннинг «Челси» клуби юлдуз мураббийни таклиф қилишдан манфаатдор. Симеоне «аристократлар» бошқарувида жамоа билан унчалик яхши натижалар кўрсата олмаётган Лиам Росеньорнинг ўрнини эгаллаши мумкин.
Диего 2011 йилдан бери «матрасчилар» бош мураббийи лавозимида ишлаб келмоқда. Симеоне ва «Атлетико» ўртасидаги амалдаги меҳнат шартномаси 2027 йилнинг июнь ойи охирида ниҳоясига етади.
