Англия Премьер-лигасининг 33-тури доирасидаги ўз майдонида кечган баҳсда Бирмингемнинг «Астон Вилла» жамоаси «Сандерленд» устидан 4:3 ҳисобида ғалаба қозонди. Мезбонлар устози Унаи Эмери бўлиб ўтган учрашув ҳақидаги таассуротлари билан ўртоқлашди.
«Жамоа майдонда анча қийналди. Биз жуда оғир беллашувни ўтказдик, лекин яхши футбол намойиш этдик. Ўйин якуни шунчаки ақл бовар қилмас даражада кечди. Мақсадимиз ғалаба қозониш эди. Сўнгги дақиқада биз ҳужумга ташландик ва ҳал қилувчи голни урдик. Бу учрашувда мен жуда кўп ҳиссиётларимни сарфладим», — дея испаниялик мутахассиснинг сўзларини келтирмоқда клуб матбуот хизмати.
Эмери шогирдлари 58 очко жамғарган ҳолда Англия чемпионати турнир жадвалида тўртинчи ўринда боришмоқда.
