Италия терма жамоасининг собиқ бош мураббийи Чезаре Пранделли Бернарду Силва ёки Роберт Левандовскининг Туриннинг «Ювентус» клуби таркибида пайдо бўлиши мумкинлиги борасида ўз фикрини билдирди. Мутахассис португалиялик футболчининг номзоди клуб учун мосроқ деб ҳисоблайди.
«Мен Бернарду Силвани афзал кўрган бўлардим. Биринчи навбатда "Юве"да аллақачон Влахович бор ва Левандовски у қадар зарур эмас», — дея Пранделлининг сўзларини келтирмоқда Juvenews.eu.
Ҳозирда Роберт Левандовски Каталониянинг «Барселона» клубида, Бернарду Силва эса «Манчестер Сити»да тўп сурмоқда. «Ювентус»нинг ўзи эса Италия А Серия турнир жадвалида тўртинчи ўринда бормоқда.
