Машҳур собиқ ҳужумчи Алан Ширер Англия Премьер-лигасидаги чемпионлик пойгаси қандай якунланиши борасидаги прогнози билан ўртоқлашди. «Манчестер Сити» якшанба кунги баҳсда «Арсенал»ни мағлубиятга учратди (2:1).
Эндиликда «канонирлар»нинг «шаҳарликлар»дан фарқи бор-йўғи уч очкони ташкил этмоқда. Хосеп Гвардиола жамоаси битта кам ўйин ўтказган ва агар чоршанба куни «Бёрнли» мағлуб этилса, очколар бўйича лондонликларга етиб олади.
"Сити" бу ўйинда ғалаба қозонишини ич-ичимдан сезгандим. Уларнинг айни дамдаги формаси ва тажрибасини инобатга олсак, чемпионлик уларга насиб этади деб тахмин қиламан. Гвардиола, Холанд ва "Сити" мухлисларига қараганингизда, улар ҳам худди шуни ҳис қилаётгани сезилади", — дея Ширернинг сўзларини келтирмоқда NBC Sports.
«Арсенал» кетма-кет тўртинчи мавсумни иккинчи ўринда якунлаш хавфи остида турибди. «Манчестер Сити» эса сўнгги олти мавсум ичида бешинчи бор титулни қўлга киритиши мумкин.
