Англия Премьер-лигасининг навбатдаги турида «Манчестер Сити» жамоасидан учралган мағлубиятдан (1:2) сўнг, «Арсенал» бош мураббийи Микель Артета чемпионлик пойгаси борасида ўз фикрларини билдириб ўтди.

Гарчи «канонирлар» узоқ вақт давомида турнир жадвалида катта фарқ билан етакчилик қилган бўлса-да, айни пайтда «Манчестер Сити» билан орадаги фарқ 3 очкони ташкил этмоқда. Шу билан бирга, Хосеп Гвардиола шогирдлари ихтиёрида яна бир захира ўйини мавжуд.

Микел Артета мағлубиятга қарамай, жамоасининг имкониятларини юқори баҳолади:

— Чемпионлик учун кураш ҳали тугагани йўқ. Олдинда бизни 5 та, рақибимизни эса 6 та учрашув кутмоқда. Ҳали ҳам уч очкалик устунликка эгамиз. Мен футболчиларимнинг имкониятларини ва маҳорат даражасини ҳар куни машғулотларда кўриб турибман. Шу сабабли жамоамнинг зафарига тўлиқ ишонаман, — деди мутахассис.

Шунингдек, мураббий жамоанинг руҳий ҳолати ва мақсад сари интилиши ўзгармаганини таъкидлади:

— Биз чемпионликни қўлга киритишга қодир эканлигимизни аллақачон исботлаганмиз. Бугунги ўйин ҳам қандай салоҳиятга эга жамоа эканлигимизни кўрсатди. Ҳамма нарса ўз қўлимизда ва биз охиригача курашамиз, — дея қўшимча қилди Артета.

Маълумот учун, айни дамда «Арсенал» 33 учрашувдан сўнг Англия чемпионати турнир жадвалида пешқадамлик қилмоқда.