Англия терма жамоасининг собиқ ҳужумчиси Уэйн Руни «Манчестер Сити»нинг «Арсенал» устидан қозонган ғалабасидан (2:1) сўнг Премьер-лига титули учун кечаётган пойга ҳақида фикр билдирди. Ушбу натижадан сўнг жамоалар йўқотилган очколар бўйича тенглашиб олишди.
«Бу чемпионлик пойгаси ҳали тугагани йўқ. Менимча, олдинда ҳали кутилмаган бурилишлар ва совғалар бўлиши мумкин. Кўриниб турибдики, вазият жуда таранг. «Манчестер Сити» ҳали қолдирилган ўйинида ғалаба қозониши керак, шу сабабли мен барибир «Арсенал»ни кичик фаворит деб ҳисоблайман.
Мен ўзим ҳам АПЛ чемпионлиги учун курашларда иштирок этганман — бундай вазиятда албатта ютишинг шарт бўлади. Тақвимга қараб: "Хўш, мана бу ўйинда ғалаба қозонишимиз керак, бунисида ҳам", деб ўйлайсан, лекин ҳаётда ҳамма нарса кутилганидек оддий бўлмайди. Ҳозир ҳамма нарса ким совуққонликни яхшироқ сақлаб қолишига боғлиқ», — деди Руни BBC Match of the Day эфирида.
Эслатиб ўтамиз, «Арсенал» охирги марта 2004 йилда Англия чемпиони бўлган эди.
