Якшанба, 19 апрель куни Англия Премьер-лигасининг 33-тури доирасида «Эвертон» ва «Ливерпуль» жамоалари ўртасидаги мерсисайд дербиси бўлиб ўтди. Учрашувда «қизиллар» «ирислар» устидан 2:1 ҳисобида ғалаба қозонишди.

Ўйин давомида меҳмонлар дарвозабони Георгий Мамардашвили жароҳат олди. Грузиялик футболчи майдонни замбилда тарк этди ва шундан сўнг шифохонага олиб кетилди.

«Худога шукур, ҳаммаси жойида. Қўллаб-қувватлаганингиз учун барчага катта раҳмат. Мен тез орада қайтаман», — деб ёзди 25 ёшли дарвозабон ижтимоий тармоқлардаги саҳифасида.

Жорий мавсумда Георгий «Ливерпуль» сафида 18 та ўйинда иштирок этди ва ўз дарвозасидан 29 та тўп олиб чиқди.