Футбол оламидаги энг йирик қарама-қаршиликлардан бири — «Барселона» ҳамда «Реал» жамоалари ўртасидаги навбатдаги «эл-класико» баҳси учун чипталар нархи эълон қилинди.

Маълумотларга кўра, мазкур учрашувни стадиондан бевосита кузатиш истагида бўлган ишқибозлар учун чипта нархлари сезиларли даражада юқори белгиланган. Хусусан, стадионнинг оддий секторлари учун энг арзон чипта нархи 499 евродан бошланади.

Шунингдек, юқори қулайликка эга бўлган VIP-пакетлар учун ҳам алоҳида нархлар шакллантирилган. Ўйинни махсус меҳмонхона шароитидаги VIP ҳудудлардан кузатишнинг оддий варианти 1 750 евро этиб белгиланган бўлса, «Premium» тоифасидаги хизматлардан фойдаланиш истагида бўлганлар 2 250 евро миқдорида маблағ сарфлашларига тўғри келади.

Аввалроқ, учрашув 10 май куни Тошкент вақти билан 23:59'да старт олиши маълум бўлган эди.