Италиянинг «Рома» клуби бош мураббийи Жан Пьеро Гасперинининг жамоадаги келажаги сўроқ остида қолмоқда. Бу ҳақда Il Messaggero нашри хабар бермоқда.
Манбанинг маълум қилишича, мутахассис клуб раҳбариятига яна бир мавсум жамоада қолиши учун бажарилиши шарт бўлган талаблар рўйхатини тақдим этган.
Биринчи талаб: Спорт директори Клаудио Раньери билан ҳар қандай ишчи алоқаларни тўхтатиш ва мураббий бевосита ҳамкорлик қила оладиган янги спорт директорини топиш.
Иккинчи талаб: Тиббий ва техник ходимлар таркибини тўлиқ янгилаш. Ҳозирда ушбу бўлимлардаги бир неча киши Раньерининг ишончли вакиллари ҳисобланади.
Трансферлар устидан назорат: Гасперини трансфер стратегиясини тўлиқ ўз назоратига олишни ва жамоани кучайтириш учун футболчиларни шахсан ўзи танлашни истамоқда. Мураббийнинг фикрича, «Рома» рақобатбардош бўлиб қолиши учун асосий таркибга камида 3–4 нафар янги етакчи футболчилар керак.
Агар Рим клуби хўжайинлари ушбу талабларни бажаришдан бош тортса, 2025 йилнинг ёзидан бери жамоани бошқариб келаётган 68 ёшли мураббий фаолиятини хорижда давом эттириш вариантларини кўриб чиқишга тайёр.
