Бугун футбол бўйича мамлакат Пролига мусобақасининг 4-тури доирасида вилоят дербиси бўлиб ўтди. Қарши шаҳридаги «Геолог» стадионида кечган баҳсда «Лочин» жамоаси Ғузорнинг «Шўртан» клубини қабул қилди.
Қизиқарли ва муросасиз кечган учрашув меҳмонларнинг 1:2 ҳисобидаги ғалабаси билан якунланди.
Ўйиннинг 45-дақиқасида Юрий Клочков ҳисобни очган бўлса, 60-дақиқада Бека Кҳаршиладзе ғузорликларнинг устунлигини мустаҳкамлади. Учрашув якунланиши арафасида, яъни 83-дақиқада «Лочин» аъзоси Жавоҳир Ҳасанов жавоб тўпини киритишга муваффақ бўлди, бироқ бу мезбонларни мағлубиятдан қутқариб қола олмади.
Пролига. 4-тур
«Лочин» – «Шўртан» – 1:2
Голлар: Жавоҳир Ҳасанов (83) — Юрий Клочков (45), Бека Кҳаршиладзе (60).
«Лочин»: А.Раҳимов, Ш.Абдивайитов, Б.Раҳматов, А.Лутфуллаев, С.Ўринбоев, Ж.Шерматов, Н.Мукаров, А.Охтоев, С.Саидов, И.Алижонов, Э.Отақулов.
«Шўртан»: Н.Зиявутдинов, И.Шайқулов, Ю.Клочков, Ш.Нуриддинов, М.Абдураҳмонов, Л.Барабадзе, Б.Харшиладзе, Ғ.Қодиров, А.Маматхўжаев, М.Жумаев, Б.Сувонов.
