Франциянинг “ПСЖ” клуби аъзоси Витинья мамлакат чемпионати доирасида “Лион” жамоасига қарши кечган навбатдаги учрашувда жароҳат олиб, майдонни тарк этди. Бу ҳақда клуб расмий сайти хабар бермоқда.
Тиббий кўриклар натижасида 26 ёшли португалиялик футболчининг ўнг товон қисми шикастлангани аниқланган. Айни пайтда спортчи малакали тиббиёт ходимлари назоратига олинган. Ҳафта якунида футболчи қўшимча чуқурлаштирилган тиббий текширувдан ўтказилади. Шундан сўнг унинг саломатлиги ва машғулотларга қайтиш муддати бўйича якуний хулоса берилади.
Маълумот ўрнида қайд этиш жоизки, “ПСЖ” жамоасини жорий ой якунига қадар “Нант”, “Анже” ҳамда Чемпионлар лигаси доирасида Мюнхеннинг “Бавария” клубига қарши муҳим баҳслар кутмоқда.
