«Реал Мадрид» ярим ҳимоячиси Орельен Тчуамени «Манчестер Юнайтед»да Каземиронинг ўрнини босиши мумкин бўлган номзодлар рўйхатида юқори ўринни эгаллаб турибди. Бу ҳақда The Telegraph нашри хабар бермоқда.
Аввалроқ, бразилиялик футболчи мавсум якунида «МЮ»ни тарк этиши маълум бўлган эди. Шу сабабли Манчестер клуби ёзги трансфер ойнасида шартнома имзолаш учун янги, юқори савияли таянч ярим ҳимоячисини қидирмоқда.
26 ёшли Тчуаменининг «Реал» билан амалдаги шартномаси 2028 йилгача мўлжалланган. Унинг трансфери Мадрид клубининг ёзда янги ярим ҳимоячи сотиб олишига ҳамда ушбу харидни молиялаштириш учун бошқа футболчиларни сотиш заруратига боғлиқ бўлиши мумкин.
Жорий мавсумда Орельен Ла Лигада 28 та ўйин ўтказиб, 1 та гол уришга муваффақ бўлди.
