«Болонья» клуби ярим ҳимоячиси Федерико Бернардески Италия А Серияси доирасидаги «Ювентус»га қарши учрашувда (0:2) жароҳат олди. Клуб тиббий хизматининг хабарига кўра, тиббий кўрик натижасида футболчининг ўнг оёқ мушакларида шикастланиш аниқланган.
Дастлабки тахминларга кўра, 32 ёшли футболчининг тикланиши учун камида икки-уч ҳафта вақт талаб этилади. Шу тариқа, Бернардески Италия чемпионатининг навбатдаги муҳим баҳсларини, шу жумладан, «Рома»га қарши учрашувни ҳам ўтказиб юбориши кутилмоқда.
Маълумот учун, тажрибали вингер жорий мавсумда «Болонья» сафида барча турнирларда 41 та ўйинда майдонга тушиб, 7 та гол ва 2 та голли узатмага муаллифлик қилган эди.
