«Bolonya» klubi yarim himoyachisi Federiko Bernardeski Italiya A Seriyasi doirasidagi «Yuventus»ga qarshi uchrashuvda (0:2) jarohat oldi. Klub tibbiy xizmatining xabariga ko‘ra, tibbiy ko‘rik natijasida futbolchining o‘ng oyoq mushaklarida shikastlanish aniqlangan.
Dastlabki taxminlarga ko‘ra, 32 yoshli futbolchining tiklanishi uchun kamida ikki-uch hafta vaqt talab etiladi. Shu tariqa, Bernardeski Italiya chempionatining navbatdagi muhim bahslarini, shu jumladan, «Roma»ga qarshi uchrashuvni ham o‘tkazib yuborishi kutilmoqda.
Ma’lumot uchun, tajribali vinger joriy mavsumda «Bolonya» safida barcha turnirlarda 41 ta o‘yinda maydonga tushib, 7 ta gol va 2 ta golli uzatmaga mualliflik qilgan edi.
