Иван Ракитич футболдаги видеотакрорлар (VAR) тизимига қарши чиқди.

– Сизга ВАР ёқадими?

– Ёқмайди. Футболда менга ҳиссиётлар ва уларнинг табиийлиги ёқади. Шунингдек, футболчилар йўл қўядиган хатолар ҳам менга маъқул. Бундай хатоларни ҳакамлар ҳам қилиши мумкин — уларни қабул қила олиш керак, бу ўйиннинг бир қисмидир. Мукаммалликка эришиб бўлмайди.

Менга ҳиссиётлар ёқади, ВАР эса бизни уларнинг бир қисмидан маҳрум қилди. Замонавий футбол ВАР, голни автоматик аниқлаш тизими ва бошқа чоралар пайдо бўлиши билан ўзгарди. Аммо футбол баскетбол ёки бошқа спорт тури эмас: голни нишонлаш мумкинми ёки йўқлигини билиш учун уч дақиқа кутиб туриш тўғри эмас, – деди «Барселона»нинг собиқ ярим ҳимоячиси.