Ivan Rakitich futboldagi videotakrorlar (VAR) tizimiga qarshi chiqdi.

– Sizga VAR yoqadimi?

– Yoqmaydi. Futbolda menga hissiyotlar va ularning tabiiyligi yoqadi. Shuningdek, futbolchilar yo‘l qo‘yadigan xatolar ham menga ma’qul. Bunday xatolarni hakamlar ham qilishi mumkin — ularni qabul qila olish kerak, bu o‘yinning bir qismidir. Mukammallikka erishib bo‘lmaydi.

Menga hissiyotlar yoqadi, VAR esa bizni ularning bir qismidan mahrum qildi. Zamonaviy futbol VAR, golni avtomatik aniqlash tizimi va boshqa choralar paydo bo‘lishi bilan o‘zgardi. Ammo futbol basketbol yoki boshqa sport turi emas: golni nishonlash mumkinmi yoki yo‘qligini bilish uchun uch daqiqa kutib turish to‘g‘ri emas, – dedi «Barselona»ning sobiq yarim himoyachisi.