«Барселона»нинг собиқ ҳимоячиси Рафаэль Маркес 2026 йилги Жаҳон чемпионатидан сўнг Мексика терма жамоаси бош мураббийи этиб тайинланади.
Ҳозирда 47 ёшли мутахассис 67 ёшли Хавьер Агирренинг мураббийлар штабида фаолият юритмоқда. 2024 йилда Мексика футбол федерацияси (FMF) Рафаэлни каталонияликларнинг иккинчи жамоасидан терма жамоага олиб келиш учун «Барселона»га 2 миллион евро товон пули тўлаган.
«Рафаэль билан шартнома имзолаб бўлинган. У ёрдамчи мураббий сифатида ҳам, бош мураббий сифатида ҳам ўйинчилик давридагидек: жамоани тубдан ўзгартира олади», – деди FMF спорт директори Дуилио Давино Fox Sports эфирида.













