«Бавария» бош мураббийи Венсан Компани «Манчестер Сити»да Хосеп Гвардиоланинг ўринбосарига айланиши мумкин.
Мюнхен клуби жорий мавсум давомида бельгиялик мутахассис билан шартномани 2029 йилгача узайтирган бўлса-да, «шаҳарликлар» раҳбарияти уни ҳамон Гвардиола ўрнини боса оладиган асосий номзод деб ҳисобламоқда.
Германия ОАВ тарқатган маълумотларга кўра, агар Компани жорий мавсумда «Бавария» билан «требл» қайд этса, «Манчестер Сити» унга «янги чақирув» таклиф қилиши мумкин. Бундай ҳолатда инглиз гранди ўз собиқ сардорини ортга қайтаришга уриниб кўради.
Эслатиб ўтамиз, Хосеп Гвардиоланинг «Манчестер Сити» билан амалдаги келишуви 2027 йилнинг ёзигача мўлжалланган. Бироқ сўнгги вақтларда тарқалаётган хабарларга кўра, испаниялик мутахассис шу ёздаёқ лавозимини тарк этишга тайёр.
