Мадриднинг «Реал» клуби марказий ҳимоячиси Эдер Милитао Ла Лига доирасидаги «Алавес»га қарши баҳсда навбатдаги жароҳатини олди.
Учрашувнинг биринчи бўлими якунланиб бораётган бир вақтда жамоа бош мураббийи Альваро Арбелоа бразилиялик футболчини мажбурий равишда Антонио Рюдигерга алмаштиришга қарор қилди. Испания ОАВларининг хабар беришича, Милитао яна тиззасидан жароҳат олган. Ҳозирча жароҳатнинг қай даражада жиддий экани ва футболчининг тикланиш муддатлари ҳақида аниқ маълумотлар йўқ.
Эслатиб ўтамиз, 28 ёшли ҳимоячи мушакларидаги муаммолар сабабли ўтган йилнинг декабрь ойидан шу йилнинг апрель бошигача майдонга туша олмаган эди.
Маълумот учун, Эдер Милитао жорий мавсумда «қаймоқранглилар» сафида 22 та ўйинда иштирок этиб, 2 та гол ва 1 та голли узатмани ўз ҳисобига ёздириб қўйган.
