Ҳозирда ижара асосида «Барселона» сафида тўп сураётган «Манчестер Юнайтед» ҳужумчиси Маркус Рэшфорднинг келажаги мавҳум бўлиб қолмоқда.
The Sun нашри берган маълумотларга кўра, агар «Барселона» ва «Манчестер Юнайтед» ўртасидаги футболчининг тўлиқ трансфери бўйича музокаралар боши берк кўчага кириб қолса, «Ньюкасл» форвард бўйича ҳаракат бошлаши мумкин. «Қизил иблислар» ўз тарбияланувчисини тахминан 40 миллион евро эвазига қўйиб юборишга тайёр.
«Ньюкасл» Рэшфорд атрофидаги вазиятни диққат билан кузатмоқда. Бу қизиқиш жамоа вингери Энтони Гордоннинг келажаги ноаниқ бўлиб тургани билан боғлиқ — Гордонга «Бавария» ва «Ливерпуль» клублари жиддий қизиқиш билдирмоқда. Агар Гордон ёзда «қарғалар» лагерини тарк этса, клуб раҳбарияти Рэшфорд вариантини асосий номзод сифатида кўриб чиқади.













