Сўнгги пайтларда оммавий ахборот воситаларида «Реал» ҳужумчиси Килиан Мбаппе манзилига танқидий фикрлар билдирилмоқда.
Marca нашрининг маълумотларига кўра, Мадрид клуби президенти Флорентино Перес ОАВ француз форвардини танқид қилаётганидан ҳайратда. Унинг асосий важи шундан иборатки, Килиан юқори маҳсулдорлик намойиш этмоқда, шу сабабли уни танқид қилиш мантиққа тўғри келмайди.
Килиан Мбаппе 2024 йилда «ПСЖ»дан «Реал»га эркин агент сифатида ўтган эди. Унинг «қаймоқранглилар» билан шартномаси 2029 йилнинг 30 июнига қадар мўлжалланган.
Жорий мавсумда француз футболчиси мадридликлар сафида барча турнирларда 40 та ўйинда майдонга тушиб, 41 та гол урди ва 6 та голли узатмани амалга оширди.
