Италиянинг «Милан» клуби собиқ дарвозабони Кристиан Аббьятининг фикрича, мураббийнинг Мадриднинг «Реал» клуби ёки Италия терма жамоасига кетиши мумкинлиги ҳақидаги миш-мишларга қарамай, клуб Массимилиано Аллегри билан ҳамкорликни давом эттириши лозим.
«Агар сизда жиддий ниятлар бўлса, унда Аллегри билан ишлаш керак. У клубни ва унинг қадриятларини аллақачон яхши билади. Менимча, мураббийнинг алмашиши клуб учун катта муаммо бўлади», — дея Аббьятининг сўзларини келтиради pianetamilan.it.
Аллегри ўтган йилдан бери «Милан» билан ишлаб келмоқда. Аббьяти эса 1998 йилдан 2016 йилгача клуб шарафини ҳимоя қилган. Ҳозирда Аллегри шогирдлари Серия А турнир жадвалида иккинчи ўринни эгаллаб туришибди.
