«Челси» жамоа бош мураббийи Лиам Росеньорни лавозимидан озод этди, деб хабар бермоқда клуб расмий сайти.

«Челси»нинг барча ходимлари номидан Лиам ва унинг жамоасига клубдаги фаолияти давомида кўрсатган саъй-ҳаракатлари учун миннатдорчилик билдирамиз. Мавсум ўртасида тайинланганига қарамай, Лиам доимо юқори ҳалоллик ва профессионаллик намунасини кўрсатди.

Бу қарор клуб учун осон бўлмади, бироқ охирги натижалар ва ўйинлар зарур стандартларга жавоб бермаяпти, ваҳоланки бу мавсумда ҳали қилинадиган ишлар кўп. «Челси»даги барча Лиамга келгуси фаолиятида муваффақиятлар тилайди», — дейилади клуб матбуот хизмати баёнотида.

Инглиз мутахассиси январь ойида «Страсбург»дан «Челси»га ўтган эди. Томонлар ўртасидаги келишув 2032 йилгача мўлжалланган эди.

Англия чемпионатининг 34 туридан сўнг «Челси» 48 очко жамғариб, турнир жадвалида еттинчи ўринни эгаллаб турибди. Мусобақада 33 ўйиндан сўнг 70 очко тўплаган «Арсенал» пешқадамлик қилмоқда. «Кўклар» АПЛдаги охирги бешта ўйинда гол ура олмай, мағлубиятга учради.