«Chelsi» jamoa bosh murabbiyi Liam Rosenyorni lavozimidan ozod etdi, deb xabar bermoqda klub rasmiy sayti.

«Chelsi»ning barcha xodimlari nomidan Liam va uning jamoasiga klubdagi faoliyati davomida ko‘rsatgan sa’y-harakatlari uchun minnatdorchilik bildiramiz. Mavsum o‘rtasida tayinlanganiga qaramay, Liam doimo yuqori halollik va professionallik namunasini ko‘rsatdi.

Bu qaror klub uchun oson bo‘lmadi, biroq oxirgi natijalar va o‘yinlar zarur standartlarga javob bermayapti, vaholanki bu mavsumda hali qilinadigan ishlar ko‘p. «Chelsi»dagi barcha Liamga kelgusi faoliyatida muvaffaqiyatlar tilaydi», — deyiladi klub matbuot xizmati bayonotida.

Ingliz mutaxassisi yanvar oyida «Strasburg»dan «Chelsi»ga o‘tgan edi. Tomonlar o‘rtasidagi kelishuv 2032 yilgacha mo‘ljallangan edi.

Angliya chempionatining 34 turidan so‘ng «Chelsi» 48 ochko jamg‘arib, turnir jadvalida yettinchi o‘rinni egallab turibdi. Musobaqada 33 o‘yindan so‘ng 70 ochko to‘plagan «Arsenal» peshqadamlik qilmoqda. «Ko‘klar» APLdagi oxirgi beshta o‘yinda gol ura olmay, mag‘lubiyatga uchradi.