«Манчестер Сити» қанот ҳимоячиси Матеус Нунес жамоасининг Премьер-лига турнир жадвалида биринчи ўринга қайтгани ҳақида ўз фикрларини билдирди. «Шаҳарликлар» «Бёрнли» устидан ғалаба қозониб (1:0), яқин вақтгача ўзларидан тўққиз очко олдинда бўлган Лондоннинг «Арсенал» клубини ортда қолдиришди.
«Биз бу ерга ғалаба учун келгандик ва мақсадимизга эришдик. Биз чемпионлик учун курашяпмиз. Ҳозир биринчи ўриндамизми ёки йўқ — бунинг аҳамияти йўқ, вазифамиз ўзгаришсиз қолади. Бизни қўллаб-қувватлаш учун келган мухлисларнинг далдаси ажойиб бўлди», — дея Нунеснинг сўзларини келтиради City Xtra.
Ҳозирда «Манчестер Сити» ва «Арсенал» 33 та ўйиндан сўнг 70 тадан очко жамғаришган. Хосеп Гвардиола шогирдлари тўплар нисбати тенг бўлишига қарамай, кўпроқ гол уришгани эвазига «канонирлар»ни ортда қолдириб, пешқадамликни қўлга олишди.
